O soi rivât a la sere di Nadâl strac e cu la panze plene dopo vê mangjât dut il dî come che si fâs a ogni Nadâl. Par dute la zornade mi à sbisiât tal cjâf la cjançon Innocent when you dream di Tom Waits. Al è sucedût che îr sere, tal ultin moment di pâs di chescj diis, jo e la me femine o vin tornât a viodi, dopo tancj agns, il film Smoke. Si visavin che ae fin dal cine e jere une biele storie di Nadâl ma no si visavin di trop biele che e jere.



La conte e je in realtât la Auggie Wren's Christmas Story di Paul Auster. Graziis a internet o met il video dal finâl, cussì, magari, ancje a voaltris ûs sbisiarà un pôc Tom Waits parcè che o sin ducj inocents cuant che si sumiin.

Bon Nadâl.

2 coments:

  1. Jaio Furlanâr ha detto...

    Proêle propite biele, si. Graziis di vêle mitude, o no le cognossevi.  

  2. Anonimo ha detto...

    Biele la storie e biele la cjante, cussì çuete, sbilenche e scuancassade da jessi plene di morbin!
    BF