Viodint il gnûf blog di archeologjie di archeofurlane mi e vignût iniment dai prins timps che o ai scomençât a traficâ cun internet, cuant che di robis furlanis inte rêt no tu 'nd cjatavis par nuie e anzit a dî il vêr lis robis bielis a jerin dome par inglês!

E jê vere che il Friûl digjitâl nol è masse grant nancje al dì di vuê però, se si à timp di cirî, si tache a cjatâ verementri di dut. Lassin stâ il mont blogarin che al è nassût dal furlanist e che al è simpri plui svari. Par cui che no lis à letis o segnali un dôs trê robutis cjatadis atôr.

Scomencin cuntun dizionariut japonês-talian-furlan su la lote e lis arts marziâls e une dispense talian-furlan pe difese personâl fate de Friûl Fight System.

Passin dopo a une piçule pagjinute cul manifest par furlan dal slow food: il sfuei di Parigji, e ae fin rivin al glossari di vulcanologjie in marilenghe sul sît svuizar stromboli on-line.

Come che al notarès ben Janez cualchi volte la grafie e je strambe e malsigure ma ae fin al somearès scuasit che pai furlans il furlan al sedi une lenghe che si podedi doprâ par fevelâ (e par scrivi) di cualsisei robe.

7 coments:

  1. Akinol ha detto...
    Questo commento è stato eliminato da un amministratore del blog.
  2. Jaio ha detto...

    Orpo, zence lâ a clicâ sôre, o scomet ch'a tu âs un spam:-)
    ...Amancul ch'a sedi une furlanade:-)
    A é vere ch'a si cjate di dut sul net ma al reste ancjemò masse pôc.
    Bisugne ancje dî che le magjorance a scrîf par talian.
    Mandi  

  3. il crot ha detto...

    Di spam furlan ancjemò no 'nd è... ma di sigûr al rivarà ancje chel!
    Par intant lu ai scancelât...  

  4. Akinol ha detto...

    See here or here  

  5. Christian Romanini ha detto...

    Tancj auguris di BUINE PASCHE! (fracait achì)  

  6. ninine ha detto...

    Grazie pe segnalazions e intant buine pasche!!  

  7. Janez Erat ha detto...

    vesele velikonočne praznike!
    buine pasche !
    biel il dizionari dal "friûl fight" ancje jo mi interessi des arts marziâls, o fâs judo e jiu jitsu
    infin la culture japonese e se no altri si pues cjapâ sù peraulis japonesis!