Ducj i trê cuatri paîs dulà che o soi stât a sta e che a son tal me cûr, a àn une lôr fieste, un perdon, une sagre. Nissune di lôr e je dut câs cussì grande e biele come la fieste dal vin di Buri.

Par mandâ indenant cheste setemane al è daûr il lavôr di tante int, tant volontariât e tant timp parcè che par cjapâ su al vûl semenât.

La fieste dal vin di Buri però, di cualchi an in ca, no je plui chê di une volte. Dut al è tacât cuant che, pensant di fa ben, si è fat sparî dut il lunc splaçon di glerie cuntun biel pôc di ciment.

Lis robis a son stadis fatis cun criteri, l'architet si è inzegnât di proviodi modons, piastrelis, scjalis e banchinis. Si è metût a norme la struture par fa la grilie, si è fat un biel troi par cjaminâ lunc il Riul.

Cuant che cumò tu rivis a la fieste no son plui i barachins di une volte ma dome dai grancj tendons.

Tant ciment ma pôc sintiment.

4 coments:

  1. Furlans de diaspore ha detto...

    ben o soi stat a le "Fieste dal vin" sabide passade ancje se a di al vêr o soi lat dome le dal "vecjo colegjo" le che varessin di ve vût le mostre.
    No jere cussì tante int come une volte... rivât daûr de glesie ( denant dal Bar al mutilât ) e jerin si e no dôs machinis... tant che si domandavin se jere ancemo' le sagre o e jere finide le setemane prime.

    In compens biei i fûcs viodûts de culinis, ( bande dal cjiscjel ) e bon al gjelato co ai mangjât.

    Cumò' o scugnarai tornà In Friûl in curt par viodi al troi in bande dal Riul...mi an dite cal merte.

    mandi,  

  2. Jaio ha detto...

    Une dí l'architet francês le Corbusier al é stât clamât par fâ sù in Indie un centri comerciâl al puest dal marcjât. D'in chê vôlte, a nol é plui vignût nissun. Lis stradutis, le intimitât, il calôr dal marcjât al é stât glaçât, geometrizât e rovinât de modernitât inutil o mâl pensade.  

  3. il crot ha detto...

    A fâlu ben chel di architet (e chel di aministradôr) al è un mistîr dificil parcè che bisugnarès meti la art (e i bêçs) al servizi de int. Insome bisugnarès vê un ninin di sintiment....  

  4. Jaio ha detto...

    Infat, o sin dacuardi se il sintiment al ven dal cjâf e dal cûr.