La robe plui sureâl dai politics che a vegnin a propagandâ la bontât dal mestri unic, che a son daûr a tornâ a meti in vore, a son i ricuarts dai lôr di mestris, ducj bogns e brâfs!
Parfin a la ministre, (che no je che vedi 70 agns), i à telefonât in direte televisive la sô di mestre. A someave di lei une pagjine di libri dal '800, cun tante di che mêl che ancje al De Amicis i sarès vignût il diabete!
Dut câs il mestri unic plui famôs nassût intal stivâl lu vin vût nô a Tumieç (se no mi confont te frazion di Cjanive), fra il 1906 e il 1907.
A chei timps al jere facil che i mestris a vignissin di lontan par insegnânus ben il talian. Il non di chel mestri famôs al jere Benito Mussolini.
I jere tocjade une seconde elementâr cuntune cuarantine di canais e, se si vâ a viodi i documents de epoche, nol è che al vedi fat propite une grande figure.
Intal stes periodi Hitler al jeri a Viene che al cirive, cence rivâ, di jentrâ inte Academie des Bielis Arts.
I doi amigos a saran dai bogns mestris par masse int di li a cualchi an.
Mestris unics naturalmentri.
Iscriviti a:
Commenti sul post (Atom)
, crot, o jeri propite preocupade: no tu scrivevis plui! E i toi post mi plasin!
Cualchi volte o varès voie di scrivi ma no ai timop altris voltis o ai timp ma no voie...
E ogni tant o polsi ;-)
Dutcâs grazis di vignî a leimi!
Chest al jere un post un tic fuartut ma tu âs reson, cualchi dun al po dismenteâ. Jo no tornarès al mestri unic. Dal Mussolini si cjacarave ca (http://www.repubblica.it/2006/08/sezioni/persone/mussolini-cattivo-maestro/mussolini-cattivo-maestro/mussolini-cattivo-maestro.html).
Dut câs se tu cjatis la voie di scrivi jo ti lei ben vulintîr.