Fra Vendeme, Friuli Doc e Pordenon che al lei no si pues dî che nol sedi stât nuie ce fâ cheste setemane. Le vendeme e ven cuant che e ven (o contarai alc plui indenant...) ma isal pussibil che no sedin bogns di metisi dacuardi par fâ la manifestazion di Udin e chê di Pordenon in dôs setemanis difarentis!

O forsit la idee par l'an che al ven e je chê di fâ ancje alc a Gurize e a Tumieç tai stes dîs, dut in contemporanie!
Cussì i altris fin setemane di Setembar ducj a saran libars di lâ atôr pai centris comerciâi!

Di Pordenon che al lei a àn za contât ben altris blogarins, jo o tachi dome une foto dai Molino Rosenkranz che a àn lavorât in dutis e dôs lis fiestis (bulos!) e une poesie di Tavan che o dedichi a ducj chei che a son lontans de lôr Andreis...

Andrèes

Un troi
cjases
arbi
montz
a sèmea 'na conta.
Inveze,
omi
femenes
ostarìes

1 coments:

  1. Brâf Furlan ha detto...

    No crôt che lis dôs manifestazions a vessin il stes public. A Pordenon forsit a jerin forsite masse snob, ma dut al jere sot vôs. Te mostre di Tavan la int che cjalave, o ai cjatât Frederì dai Ros,e jere cidine. A Friuli Doc o vevi une fie a meti bire. Intune sere un chiosco al à dât fûr 100 fuscj di bire, 2000 litros o plui. Nome par dî che l'aiar e la ande no jere chê stesse.
    Di Tavan o sai ce che si lei ator, il so cuilibri al è instabil, e chê e je la sô fuarce e insiemitla sô debolece .