O sai che no si pues fevelâ par ducj ma un dai limits (e des fuarcis) di tancj furlans che o cognòs al è chel di sparagnâ su lis peraulis. Ogni tant o sin masse ruspis e cualchi volte al sarès di disi alc di plui, magari dome par fâ un compliment o un ringraziament cuant che al è meretât.
E je altre int e a son altris latitudinis dulà che nol è chest pericul e i compliments a rivin ancje masse bondants. Di sigûr no simpri il sparagnâ su lis peraulis e je une brute robe, anzit spes disi dome une peraule juste o ben dite al è miôr. Al è come disi alc che al pese di plui, che al à un valôr plui grant. Anzit al è estetichementri biel rivâ a disi lis robis cun pocjis peraulis justis.
Ma masse spes chestis peraulis dome lis pensin e no lis disin.
Sandri Carozzo, chel mat che cun Pierluigi Visintin al à voltât par furlan l'Odissee, al à metût in rêt la opare di Otmar Mainardis o Anonimo Friulano. Dutis robis fatis a gratis, nome par passion.
Mi associ alis laudis al prof Sandri. Jo cun spirit di servizi, a gratis come che tu disis ben tu, varès metût alc ancje su Vichipedie.
No ai capît ben il coment di furlan: Otmar Mainardis al è su la Vichipedie...
Al é vêr che cun dut chel ch'a si cjate sù internet di bant, al nus somee talmenti naturâl ch'al é come s'al colàs dal cîl.Alore une ploe di laudis:-)
Tu sês convocât
http://ilfurlanist.splinder.com/post/15929186
li de ILfurlanist ;-)