Vê lis montagnis tal sfont de visuâl al fâs part dal gno orizont mentâl, par cuasi dute la mê vite al è stât cussì tant e je vere che chês voltis che, atôr pes planis dal marimont, no soi rivât a viodilis in lontanance, o ai vût la vere sensazion di jessi intun lûc forest.
Lis monts a son là, no si movin. Cualchidune e je come se e fos di famee, cuant che par esempli si viôt che al è neveât sul Mataiûr e jê une robe di contâ, di fâ savê e mi visi ben di mê none che e veve simpri iniment la sô mont; la Bernadie. Al è alc che al è simpri presint, a somein cuasi des divinitâts che e son li, di simpri, di gjenerazion in gjenerazion, a protezinus.
Ma lis lôr leçs, vuatis e teribilis, no perdonin cui che al sbalie. I ultins a rondolâ ju a son stâts doi morôs, Antonio e Luana, copâts pôcs dîs fâ intes lôr cjaris monts.
A sorevivi, ancjemò par un pôc, o restin nô, cui voi aromai suts, e sul sfont lôr, lis montagnis.
Iscriviti a:
Commenti sul post (Atom)
E je vere,
Jo o soi cresut di che altre bande de Tor, a un tîr di sclope di Buri.
Le int e i pais e gambin, ma almancul cun co torni in Friûl lis montagnis e son simpri li', simpri lis stessis... o sai co soi te me patrie ancestral cu co viôt al Matajur.
Là che tu sês cumò âstu monts o culinis dongje? No dîs cualchi mont di cret (rocky mountain) ma almancul cualchi apalachi o isal dome plan?
Le co vîf jo al e dut plan/su e ju culinis ma no propite culinis in tal sens vêr de peraule. Plui in la' ( soreli a mont ) e son montagnis Appalachis ma di le co soi jo no si viodin. Come monts e son come lis pre-alps Julis.
Ma e an le lôr storie e identitât....mi tocjarà' fa un post plui indenant.
O vevi scrite une robe che e sta ben cu la tô:
"O soi nassût dongje une aghe sute di claps, o cognòs cjamps di poi e fum di citât, no mi pas di une visuâl che no vedi fondâl di monts e liniis di morârs in pîts."
Al é forsit par chel che i furlans a no san stacâsi de lôr tiere. A pene nassûts, intant che tetin, ce viodino? I monts:-)
biele oservazion!
par me le plane cence montagnis e je come un teatro cence sentis
loris vescul