Trops chilometris varaio fat su e ju pal coredôr cul piçul in braç?
No je ni la prime ni la ultime volte che nus à sveât vie pe gnot vaint come un disperât. Ce varaial vût? I dincj, mal di panze o cuissà ce?
La mari e à provât a dai di tete par consolâlu un pôc ma aromai di lat no 'nd è plui tant. E alore lu ai cjapât su jo che tant l'indoman o varès tacât vore plui tart.
E vie su e ju pal coredôr a niçulâlu. Parcè che i fruts a son teribii e al tocje figotâju.
Ae fin o sin finîts sdravacâts sul divan no sai plui a ce ore.
Vuê o soi lât indenant dut il dì a cafeine ma cuant che o soi rivât a cjase la sere e il nini mi à fat la musute di ridi, po ben il crot al jere content.
Iscriviti a:
Commenti sul post (Atom)
Ce biele descrizion.
Salude il piçul!
Isal za un crotut o aial inmò la codute di cudul? :-)